Actualitats
Se remembra a Ventemilha lo massacre dels italians d’Aigas Mòrtas
Una molonada locala, encoratjada per un cònsol nacionalista francista xenofòb, ataquèt los sasonièrs italians en ne tuant un desenat e ne ferissent mai de cent cinquanta
Uèi dijòus 10 de març, a 17h30 se remembra a la Bibliotèca Aprosiana de Ventemilha (Ligúria), lo massacre dels italians d’Aigas Mòrtas (Camarga). L’escrivan Enzo Barnabà, autor dels libres Aigues-Mortes, il massacro degli italiani, Ed. Infinito, 2015 e de Mort aux Italiens! Le massacre d’Aigues-Mortes”, Ed. Editalie, 2012, reconstruís, mejançant d’imatges de l’epòca, lo chaple que se passèt a la vila camarguesa lo 17 d’agost de 1893.
En mai d’aquò, deman divendres Jean-Pierre Jouglet, Pierre Lucat e Paolo Cipriano, presentan al teatre comunal un espectacle entitolat Cloruro di Odio, Requiem pour Aigues-Mortes, una coproduccion d’artistas dels dos costats frontalièrs que cèrca de reconstituir l’eveniment, de ne far remembre del temps qu’a en mira de reconciliar la memòria istòrica dels dos païses.
Lo chaple de 1893
Los 16 e 17 d’agost de 1893 aguèt luòc a Aigas Mòrtas (Camarga) lo pogròm mai sagnós de l’istòria d’Occitània. De centenats d’obrièrs sasonièrs provenents de Piemont, Ligúria, Lombardia, Toscana, Venèt... foguèron agredits e massacrats per una molonada armada, empusada pels prepauses xenofòbs dels discorses oficials sus la “fiertat d’èsser francés”. Tuèron almens dètz personas del temps que los ferits se comptavan a l’entorn de cent cinquanta a causa dels linchaments, dels còps de baston, del negatge e de las balas. L’eveniment es tanben un dels escandals judiciaris màgers de l’epòca, pr’amor que cap de condemnacion foguèt pas prononciada per la justícia.
L’eveniment venguèt un afar diplomatic. Ne parlèron los mèdias de pertot, mai que mai en defòra de l’estat francés. En Itàlia i aguèt de susmautas antifrancesas. L’estat italian e l’estat francés arribèron a una solucion diplomatica. Se paguèt d’indemnitats als salariats italians e lo cònsol nacionalista francés d’Aigas Mòrtas, Marius Terras, demissionèt.
En mai d’aquò, deman divendres Jean-Pierre Jouglet, Pierre Lucat e Paolo Cipriano, presentan al teatre comunal un espectacle entitolat Cloruro di Odio, Requiem pour Aigues-Mortes, una coproduccion d’artistas dels dos costats frontalièrs que cèrca de reconstituir l’eveniment, de ne far remembre del temps qu’a en mira de reconciliar la memòria istòrica dels dos païses.
Lo chaple de 1893
Los 16 e 17 d’agost de 1893 aguèt luòc a Aigas Mòrtas (Camarga) lo pogròm mai sagnós de l’istòria d’Occitània. De centenats d’obrièrs sasonièrs provenents de Piemont, Ligúria, Lombardia, Toscana, Venèt... foguèron agredits e massacrats per una molonada armada, empusada pels prepauses xenofòbs dels discorses oficials sus la “fiertat d’èsser francés”. Tuèron almens dètz personas del temps que los ferits se comptavan a l’entorn de cent cinquanta a causa dels linchaments, dels còps de baston, del negatge e de las balas. L’eveniment es tanben un dels escandals judiciaris màgers de l’epòca, pr’amor que cap de condemnacion foguèt pas prononciada per la justícia.
L’eveniment venguèt un afar diplomatic. Ne parlèron los mèdias de pertot, mai que mai en defòra de l’estat francés. En Itàlia i aguèt de susmautas antifrancesas. L’estat italian e l’estat francés arribèron a una solucion diplomatica. Se paguèt d’indemnitats als salariats italians e lo cònsol nacionalista francés d’Aigas Mòrtas, Marius Terras, demissionèt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es coma aquò que Franca es venguda tèrra d'accuèlh, de libertat , lo pais dels dreches de l'òme per los òmes las femnas e los canhons.... Que lo monde tot nos enveja!
"un cònsol nacionalista francista xenofòb": Jornalet qu'a plan rason de balhar tandas de precisions, puishque vedem tot dia, autanplan ací, occitanistas xenofòbs.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari